سلام آباد، جہاز تباہ ہونے کی بددعا دینے والا مسافر آف لوڈ

March 8, 2019 12:23 pm0 commentsViews: 202

اسلام آباد (صباح نیوز) عام طور پر پرواز پر روانہ ہونے سے قبل دعا کی جاتی ہے کہ خیریت کے ساتھ منزل مقصود تک پہنچ جائیں۔ لیکن اسلام آباد ایئرپورٹ پر اس کے برعکس دیکھا گیا جہاں مسافر نے بددعا کی جس کے بعد اسے جہاز سے اتار دیا گیا۔ اسلام آباد ایئرپورٹ پر ذرائع کے مطابق خلیل نامی مسافر نے آسٹریلیا جانے کے لیے اسلام آباد سے دبئی کی پرواز لی اور جہاز میں داخل ہوکر اپنی نشست پر بیٹھتے ہی جہاز کے گرنے کی بددعا کرنا شروع کردی۔ مزید بتایا گیا کہ مسافر کی بددعا کرنے کی وجہ سے پورے جہاز میں خوف و ہراس پھیل گیا جس سے جہاز کا عملہ بھی پریشان ہوگیا، تاہم پائلٹ نے ایئرپورٹ سیکورٹی فورس کو طلب کیا اور مسافر خلیل کو جہاز سے اتار دیا۔