آصف علی زرداری کی تمام کیسز میں ضمانت میں توسیع

May 15, 2019 1:29 pm0 commentsViews: 1

اسلام آباد ہائیکورٹ نے سابق صدر آصف علی زرداری کی تمام کیسز میں عبوری ضمانت میں توسیع کردی۔نجی ٹی وی کی رپورٹ کے مطابق نیب پراسیکیوٹر نے عدالت کو بتایا کہ پارک لین کیس کا مقدمہ تیار ہوچکا ہے، آصف زرداری کے وارنٹ گرفتاری جاری ہوچکے ہیں۔

آصف زرداری کی نیب کی مزید 2 انکوئریز میں بھی عبوری ضمانت منظور کرلی گئی ، آصف زرداری کی جانب سے آج ہی 2 مزید قبل ازگرفتاری ضمانت کی درخواست دائر کی گئی تھیں۔عدالت کی جانب سے آج آصف زرداری کی 5،5 لاکھ روپے کے مچلکے کے عوض عبوری ضمانت منظور کی گئی ہے۔

اسلام آباد ہائیکورٹ نے نیب کومزید 2 انکوئریز پربھی نوٹس جاری کرتے ہوئے جواب طلب کرلیا ہے ۔واضح رہے کہ آصف زرداری کی دونوں درخواستوں پر عبوری ضمانت 22 مئی تک منظور کی گئی ہے۔