مستونگ میں سی ٹی ڈی کی کارروائی میں 9دہشت گرد ہلاک 4جوان زخمی

May 17, 2019 11:54 am0 commentsViews: 3

قابو کوہ مہران میں سی ٹی ڈی نے خفیہ اطلاع پر چھاپا مارا ‘ وہاں موجود دہشت گردوں نے فائرنگ کردی
آپریشن کے دوران دہشت گردوں کے ٹھکانوں سے بھاری تعداد میںاسلحہ و گولہ بارود برآمد ہوا ‘سی ٹی ڈی
مستونگ(مانیٹرنگ ڈیسک)قابو کوہ مہران میں سی ٹی ڈی کی کارروائی میں 9 دہشت گرد ہلاک جب کہ سیکورٹی فورسز کے 4 جوان زخمی ہوگئے۔مستونگ کے علاقے قابو کوہ مہران میں سی ٹی ڈی نے خفیہ اطلاع پر چھاپا مارا جس پر وہاں موجود دہشت گردوں نے فائرنگ کردی، سی ٹی ڈی کی جوابی فائرنگ کے نتیجے میں 9 دہشت گرد ہلاک ہوگئے جب کہ آپریشن میں سیکورٹی فورسز کے 4 جوان بھی زخمی ہوئے جنہیں اسپتال منتقل کردیا گیا ہے۔سی ٹی ڈی کے مطابق آپریشن کے دوران دہشت گردوں کے ٹھکانوں سے بھاری مقدار میں اسلحہ و گولہ بارود بھی برآمد ہوا ہے جب کہ دہشت گردوں کی لاشوں کو اسپتال منتقل کردیا گیا ہے۔