پولیو کے 4 نئے کیسز سامنے آگئے

July 8, 2019 3:13 pm0 commentsViews: 10

اسلام آباد: ملک بھر میں پولیو کے مزید 4 نئے کیسز سامنے آگئے جس کے بعد رواں برس پولیو کیسز کی مجموعی تعداد 41 ہوگئی ہے۔ نجی ٹی وی کی رپورٹ کے مطابق ملک بھر میں پولیو کے مزید 4 نئے کیسز سامنے آگئے جس کے بعد رواں برس پولیو کیسز کی مجموعی تعداد 41 ہوگئی ہے، ذرائع وزارت صحت کے مطابق 2 پولیو کیسز کے پی کے اور 2 بلوچستان میں سامنے آئے ہیں۔

تفصیلات کے مطابق بلوچستان میں جعفر آباد کی یوسی شاہان پلال میں 8 ماہ اور قلعہ عبداللہ کے علاقے پنج پیرانی میں 9 ماہ کے بچے میں وائرس کی تصدیق ہوئی جب کہ خیبرپختونخوا میں بنوں کی یونین کونسل حوید کے ڈھائی سال اور بنوں کی ہی یوسی جانی خیل کی 1 سالہ بچی میں پولیو وائرس کی تصدیق ہوئی۔ پولیو کا شکار 3 بچوں کے والدین ویکسینیشن سے انکاری تھے۔ اس کے علاوہ رواں برس پنجاب سے 3، بلوچستان سے 2، خیبرپختونخوا سے 25 اور قبائلی اضلاع سے 8 پولیو کیسز سامنے آچکے ہیں۔