مقبوضہ کشمیر:کرفیو اورلاک ڈاؤن کو 41 روز ہو گئے

September 14, 2019 1:28 pm0 commentsViews: 14

مقبوضہ کشمیر میں قابض بھارتی انتظامیہ کے لاک ڈاؤن کو 41 روز ہوگئے ہےجس سے اشیائے خور و نوش کا قحط اور اسپتالوں میں ادویات نا پید ہو گئیں ۔ دوسری جانب مسلسل چھٹے جمعہ بھی سرینگر کی مساجد میں کشمیریوں کو جمعے کی نماز ادا نہیں کرنے دی گئی۔

تفصیلات کے مطابق بھارتی جارحیت کیخلاف سرینگر،بارامولہ،بانڈی پورہ،کپواڑہ،پلوامہ،شوپیاں سمیت دیگر علاقوں میں مظاہرے کئےگئے۔ مظاہرین نے آزادی کےحق میں نعرے لگائے جبکہ بھارتی فوج نے مظاہرین پرطاقت کا وحشیانہ استعمال کیا۔

کشمیر چیمبر آف کامرس اینڈ انڈسٹریز کے مطابق کرفیو اور پابندیوں کے باعث اب تک کاروبار میں 3 ہزار 900 کروڑ روپے کا نقصان ہو چکا ہے ۔ بھارتی حکومت نے بڑی تعداد میں شہریوں اور سیاستدانوں کو گرفتار کر رکھا ہے ۔