سعد رفیق کے جوڈیشل ریمانڈ میں 6 دن کی توسیع

September 17, 2019 7:04 pm0 commentsViews: 2

لاہور کی احتساب عدالت نے خواجہ سعد رفيق اور سلمان رفيق کے جوڈيشل ريمانڈ ميں 6 دن کی توسيع کرتے ہوئے انہيں 23 ستمبر کو طلب کر ليا۔ نجی ٹی وی کی رپورٹ کے مطابق پيراگون ہاؤسنگ کیس کے ريفرنس ميں خواجہ سعد رفيق اور سلمان رفيق کو آج عدالت میں پیش کیا گیا جہاں خواجہ بردران کی فرد جرم کے خلاف درخواست اور بريت کی استدعا پر نيب نے جواب جمع کرا ديا۔

تفصیلات کے مطابق ملزمان کے وکلا نے ابتدائی دلائل ميں کہا کہ تحقيقات نيب قانون کے تحت نہيں ہو سکتی۔ پيراگون پرائيويٹ لميٹد کمپنی ہے جس ميں دھوکہ دہی کی تحقيقات صرف کمپنیز ایکٹ کے تحت ہو سکتی ہے۔

فاضل جج نے کہا کہ بظاہر اس نکتے پر ہائيکورٹ ضمانت کی درخواستوں ميں فيصلہ دے چکی ہے۔ عدالت نے وکلا کو اگلی سماعت پر مزيد دلائل کی ہدايت کر دی۔

خواجہ سعد رفيق نے اپنے خلاف کيس کو انتقامی کارروائی قرار ديا۔ عدالت نے دلائل سننے کے بعد خواجہ بردران کی فرد جرم کےخلاف درخواست پر ان کے وکلا کو دلائل کے ليے 23 ستمبر کو طلب کر ليا۔