فیس بک کا بھی اپنے فیچر میں بڑی تبدیلی کا فیصلہ

September 28, 2019 11:46 am0 commentsViews: 10

سان فرانسسکو (مانیٹرنگ ڈیسک) سوشل میڈیا سائٹ فیس بک نے کہا ہے کہ کمپنی نے آسٹریلیا میں پوسٹوں کے لیے لائیک یعنی پوسٹ کو پسند کرنے والے لوگوں کی تعداد چھپانا شروع کردیا ہے۔ فیس بک کی جانب سے کہا گیا ہے کہ پوسٹ پر لائیک کو چھپانے کا کام ابھی آزمائشی مرحلے میں ہے اور یہ آزمائش معاشرتی دبائو کو کم کرنے کے لیے کی جارہی ہے جس کو بعدازاں دنیا بھر میں نافذ کیا جائے گا۔ آسٹریلیا میں فیس بک صارفین دوسروں کی پوسٹوں پر ردعمل اور ویڈیو کے ویوز بھی نہیں دیکھ سکیں گے کمپنی کی جانب سے جاری بیان کے مطابق فیس بک کا یہ نیا قدم اس لیے ہے کہ وہ یہ دیکھ سکیں کہ لوگ اس نئے فارمیٹ سے کس طرح جڑتے ہیں۔