وزیراعظم کی چینی صدر سے ملاقات، مسئلہ کشمیر کی حمایت پر شکریہ ادا کیا

October 9, 2019 12:24 pm0 commentsViews: 5

بیجنگ: وزیراعظم عمران خان نے چینی صدر شی جن پنگ سے ملاقات میں مسئلہ کشمیر کی حمایت پر شکریہ ادا کیا۔ نجی ٹی وی کی رپورٹ کے مطابق بیجنگ میں وزیراعظم عمران خان نے چینی صدر شی جنگ پنگ سے ملاقات کی جس میں آرمی چیف جنرل قمر جاوید باجوہ، وزیرخارجہ شاہ محمود قریشی سمیت دیگر وفاقی وزرا شریک ہوئے۔ وزیراعظم نے چینی صدر سے پاکستانی وفد کا تعارف کروایا۔

تفصیلات کے مطابق وزیراعظم نے چینی صدر کو کشمیر کی موجودہ صورتحال سے آگاہ کیا اور مسئلہ کشمیر پر حمایت پر ان کا شکریہ بھی ادا کیا۔ وزیراعظم نے کشمیر میں جاری لاک ڈاؤن اور انسانی حقوق کی خلاف ورزیوں پر بھی بات کی۔ بعد ازاں دونوں ممالک کے مابین وفود کی سطح پر بھی ملاقات ہوئی۔