٭اشتعال انگیزباتیں کرنے پر٭ کیپٹن (ر) محمد صفدر گرفتار، آج عدالت میں پیش

October 22, 2019 12:23 pm0 commentsViews: 3

نواز شریف کے داماد کیخلاف 11 اکتوبر کو مقدمہ درج کیا گیا تھا
لاہور(مانیٹرنگ ڈیسک)سابق وزیر اعظم میاں محمد نواز شریف کے داماد کیپٹن(ر) محمد صفدرکو گرفتار کرلیاگیا۔وہ بھیرہ سے لاہور آرہے تھے پولیس نے انہیں راوی ٹول پلازہ کے قریب حراست میںلے لیا۔پولیس کے مطابق ریاستی اداروں کیخلاف اشتعال انگیز باتیں کرنے پر کیپٹن (ر) صفدر کیخلاف11اکتوبرکو مقدمہ درج کیا گیا تھا۔واضح رہے کہ مریم نواز، حمزہ شہباز، یوسف عباس کی احتساب عدالت میں پیشی کے موقع پر کیپٹن(ر) محمدصفدر اور لیگی کارکنوں کی جانب سے پولیس اہلکاروں سے ہاتھا پائی کرنے پر تھانہ اسلام پورہ پولیس نے کار سرکار میں مداخلت کی دفعات کے تحت بھی مقدمہ درج کیا گیا تھا۔اس مقدمے میں سابق وزیراعظم نواز شریف کے داماد اور مریم نواز کے شوہر کیپٹن ریٹائرڈ صفدر نے لاہور کی سیشن کورٹ سے 50ہزار کے مچلکوں کے عوض ضمانت کرالی تھی۔آخری اطلاعات تک آج زیر حراست مسلم لیگ کے رہنما کیپٹن(ر) صفدر کو پولیس نے عدالت میں پیش کردیاہے ۔