دھرنا ختم ٗ ملک بھر میں آج اہم شاہراہیں بند کرنے کا اعلان

November 14, 2019 1:36 pm0 commentsViews: 3

کراچی میں حب ریورروڈ، سکھر موٹر وے، گھوٹکی اور کندھ کوٹ سے پنجاب میں داخل ہونیوالے راستے کوبندکردیاجائیگا
کارکن ہرگزڈنڈے نہ اٹھائیں اور ایمبولینس کوراستہ دیں‘ہم اگلے مرحلے میں اس دیوار کو گرادیں گے‘دھرنے سے خطاب
اسلام آباد(مانیٹرنگ ڈیسک)جمعیت علمائے اسلام (ف) کے سربراہ مولانا فضل الرحمان نے دھرنا ختم کرکے سڑکوں پر آنے کا اعلان کردیا۔ سندھ، بلوچستان اور خیبر پختونخوا میں اہم شاہراہوں کو بلاک کیا چکا ہے جبکہ بلوچستان میں چمن کوئٹہ شاہراہ پردھرنا دیا گیا ہے۔کراچی میں حب ریورروڈ، سکھر موٹر وے، گھوٹکی اور کندھ کوٹ سے پنجاب میں داخل ہونیوالے راستے کوبندکردیاجائیگا ۔مولاناعطاء الرحمان نے کہا کہ آج دوپہر دو بجے سے خیبرپختونخوا کو راولپنڈی سے ملانے والے اہم شاہراہوں کو بند کیا جائے گا جب کہ پنجاب میں بزدار شاہراہ کو بھی بند کیا جائے گا، شاہراہ ریشم کو بھی بند کردیا گیا ہے، اب لوئر دیر میں چکدرہ چوک، انڈس ہائی وے کو بھی بند کریں گے۔مولانا راشدسومرو نے کہا کہ کارکن آج دوبجے سے پہلے پر ان مقامات پر پہنچیں لیکن ہرگزڈنڈے نہ اٹھائیں اور ایمبولینس کوراستہ دیں، آج سے کراچی میں حب ریورروڈ، سکھر میں موٹر وے، گھوٹکی سے پنجاب میں داخل ہونیوالی شاہراہ اور کندھ کوٹ سے پنجاب میں داخل ہونیوالے راستے کوبندکردیاجائیگا۔اسلام آباد میں دھرنیسے خطاب کرتے ہوئے جے یو آئی (ف) کے سربراہ مولانا فضل الرحمان کا کہنا تھا کہ ایک نئے محاذ پر جانے کا اعلان کر دیاگیا ہے، دو ہفتوں سے ایک قومی سطح کا اجتماع تسلسل کے ساتھ ہوا، ہماری قوت یہاں پر جمع ہیں جب کہ ہمارے دیگر کارکنان یہاں دھرنے میں شریک افراد کے تعاون کے منتظر ہوں گے، اب وقت آگیا ہے کہ ہم سڑکوں پر موجود اپنے ساتھیوں کے پاس جائیں۔مولانا فضل الرحمان نے کہا کہ یہ دیوار ہل چکی ہے اس کو ایک دھکا دینے کی ضرورت ہیں، ہم اگلے مرحلے میں اس دیوار کو گرادیں گے۔ اب ہم شہروں کے اندر نہیں بلکہ باہر شاہراہوں پر بیٹھیں گے، جس طرح ہم یہاں پر امن تھے اگلے محاز پر بھی پرامن رہیں گے۔اس سے قبل خطاب کرتے ہوئے مولانا عطاء الرحمان نے اگلے مرحلے کا اعلان کرتے ہوئے کہا کہ پلان بی پر عملدرآمد شروع ہوچکا ہے۔