فضل الرحمن نے انڈراسٹینڈنگ کے تحت دھرنا ختم کیا، پرویز الٰہی

November 16, 2019 5:33 pm0 commentsViews: 7

اسلام آباد (مانیٹرنگ ڈیسک) مسلم لیگ (ق) کے مرکزی رہنما چوہدری پرویز الٰہی نے انکشاف کیا ہے کہ مولانا فضل الرحمن نے انڈراسٹینڈنگ کے تحت اسلام آباد مارچ ختم کیا، نجی ٹی وی کے پروگرام میں گفتگو کرتے ہوئے پرویز الٰہی نے کہاکہ معاملات طے ہونے کے بعد اسلام آباد کا دھرنا ختم کیا۔ مولانا فضل الرحمن کو ہم نے جو دے کر بھیجا وہ امانت ہے۔ واضح رہے کہ جمعیت علما اسلام (ف) کے تحت 31 اکتوبر کو دارالحکومت اسلام آباد میں دھرنا دیا گیا تھا جسے امیر جے یو آئی مولانا فضل الرحمن نے 13 نومبر کو ختم کرتے ہوئے پلان بی کا اعلان کیا تھا۔