اسٹیل ملز ملازمین کی اکتوبر کی تنخواہیں جاری کرنے کی منظوری

November 16, 2019 5:38 pm0 commentsViews: 3

اسلام آباد (مانیٹرنگ ڈیسک) وزارت صنعت و پیداوار نے اسٹیل ملز ملازمین کی اکتوبر کی تنخواہیں جاری کرنے کی منظوری دے دی۔ تنخواہوں کی مد میں 34 کروڑ 90 لاکھ روپے جاری کیے جائیں گے۔ وفاقی کابینہ ستمبر 2019ء میں رواں مالی سال کی تنخواہوں کی پہلے ہی منظوری دے چکی ہے۔ واضح رہے کہ پاکستان اسٹیل ملز کا پیداواری عمل جون 2015ء سے مکمل طور پر بند ہے اور ادارے کے کل واجبات اور خسارہ 500 ارب روپے تک پہنچ چکا ہے۔