واٹر بورڈ نے پھٹنے والی لائن کی مرمت کردی، پانی کی فراہمی شروع

December 10, 2019 12:19 pm0 commentsViews: 5

کراچی (اسٹاف رپورٹر) حب پمپنگ اسٹیشن پر کے الیکٹرک کی جانب سے بجلی کے اچانک بریک ڈائون کے باعث اتوار کو پھٹنے والی 66 انچ قطر کی پائپ لائن کی مرمت مکمل کرلی گئی۔ ایم ڈی واٹر بورڈ اسداللہ خان کی ہدایات پر پھٹنے والی لائن کی فوری مرمت کا آغاز کر دیا گیا تھا متاثرہ لائن کی مرمت اور ضلع غربی کو پانی کی فراہمی کے لیے ایم ڈی واٹر بورڈ نے اضافی عملہ اور مشینری بھی فراہم کی تھی، اس سبب واٹر بورڈ کے عملے نے کسی وقفہ کے بغیر مرمت کا کام جاری رکھا اور لائن کی باقاعدہ ٹیسٹنگ کے بعد پیر کو دن 10 بجے پانی کی معمول کے مطابق فراہمی شروع کر دی۔