سی این جی 48 گھنٹے بعد آج رات 10 بجے کھلے گی

January 14, 2020 2:13 pm0 commentsViews: 5

بدھ کی صبح 6 بجے تک صرف 8 گھنٹوں کیلئے اسٹیشنز کو گیس کی سپلائی بحال کی جائے گی
ایس ایس جی سی کے سسٹم میں مختلف گیس فیلڈز سے کم مقدار میں گیس موصول ہو رہی ہے، ترجمان
کراچی (اسٹاف رپورٹر) سندھ بھر کے سی این جی اسٹیشنز 48 گھنٹے کی بندش کے بعد آج منگل کو 10 بجے شب کھول دیے جائیں گے۔ سوئی سدرن گیس کمپنی کے ترجمان کے مطابق منگل کی شب 10 بجے سے صرف 8 گھنٹوں کے لیے بدھ کی صبح 6 بجے تک سندھ بھر کے سی این جی اسٹیشنز کو گیس کی سپلائی بحال کی جائے گی۔ ترجمان کے مطابق ایس ایس جی سی کے سسٹم میں مختلف گیس فیلڈز سے کم مقدار میں گیس موصول ہو رہی ہے اور انتہائی کم پریشر کی وجہ سے ایس ایس جی سی کو گھریلو صارفین کو گیس پہنچانے میں مشکلات کا سامنا ہے، لیکن اس مشکل صورتحال کے باوجود کمپنی سی این جی صارفین کی مشکلات کو مدنظر رکھتے ہوئے 8 گھنٹوں کے لیے سی این جی سیکٹر کو گیس کی سپلائی بحال کر رہی ہے۔