سرکاری و نجی سیکٹر کے پاس 10.31ملین ٹن گندم کے ذخائر موجود

January 21, 2020 3:13 pm0 commentsViews: 6

اسلام آباد: ملک میں اس وقت سرکاری اور نجی سیکٹر میں 10.31 ملین ٹن گندم کے ذخائر موجود ہیں۔ نجی ٹی وی کی رپورٹ کے مطابق رواں سال سندھ اوربلوچستان نے وفاق کی ہدایت کے باوجودگندم کی پروکیورمنٹ نہ کی، جس کے باعث پاسکو اورصوبائی حکومتوں نے اپنے ٹارگٹ 6.2 ملین ٹن کی بجائے 4.03 ملین ٹن گندم پروکیورمنٹ کی۔

تفصیلات کے مطابق رواں سال گندم کی 24.4 ملین ٹن پیداوار رہی،گزشتہ سال کا اسٹاک 3.7ملین ٹن تھا، رواں سال اورگزشتہ سال کے سٹاک کو ملاکر 28.2 ملین ٹن گندم ملک میں دستیاب ہے، رواں سال گندم کی مجمو عی ضرورت 26.9 ملین ٹن تھی، گزشتہ 8ماہ کے دوران ملک میں 17.9ملین ٹن گندم استعمال ہوئی۔