کراچی میں تند و تیز ہوائوں نے سردی بڑھا دی

January 23, 2020 2:25 pm0 commentsViews: 8

کراچی (اسٹاف رپورٹر) کراچی میں بدھ کو تند و تیز ہوائیں چلیں، ہوائوں کی رفتار 50 کلومیٹر فی گھنٹہ رہی، آج جمعرات کو معتدل ہوائیں چلنے کا امکان ہے۔ بدھ کو کم سے کم پارہ 12.5 ڈگری رہا، آج جمعرات کو دھند چھانے کے سبب حد نگاہ متاثر ہو سکتی ہے، بدھ کی صبح شہر میں تند و تیز شمال مشرقی سائبرین ہوائیں چلیں جن کی زیادہ سے زیادہ رفتار 50 کلومیٹر فی گھنٹہ رہی، معمول سے تیز ہوائوں کی وجہ سے صبح کے وقت موسم قدرے سرد رہا جبکہ دن کے وقت بھی خنکی محسوس کی گئی، تاہم غیر معمولی سردی محسوس نہیں کی گئی۔