ذوالفقار آباد ٹرمینل پر تقریب میں دکاندار گتھم گتھا

February 14, 2020 1:08 pm0 commentsViews: 12

وسیم اختردکانوں کا سنگ بنیاد رکھنے پہنچے تو ڈرائیورز نے احتجاج شروع کردیا، نعرے بازی بھی کی گئی
شدید بدنظمی اور ہاتھا پائی کے بعد پہلے مرحلے میں 918 دکانداروں کو قرعہ اندازی کے ذریعے الاٹمنٹ کردی گئی
کراچی(مانیٹرنگ ڈیسک) میئر کراچی وسیم اختر نے ذوالفقار آباد آئل ٹرمینل میں دکانوں کی تعمیر کا سنگ بنیاد رکھ دیا۔ تقریب میں شدید بدنظمی ، دکاندار گتھم گتھا ہو گئے۔ میئر کراچی وسیم اختر کے سنگ بنیاد تقریب میں پہنچنے کے بعد دکانداروں اور آئل ٹینکر ڈرائیورں نے احتجاج شروع کردیا۔ ڈرائیورز آپس میں ہی لڑ پڑے اور بات ہاتھا پائی تک پہنچ گئی۔ دکانداروں نے کے ایم سی اور میئر وسیم اختر کیخلاف شدید نعرے بازی بھی کی۔ انہوں نے مطالبہ کیا کہ مالکانہ حقوق کیساتھ دکانیں دی جائیں تاہم کچھ دیر بعد تقریب سے خطاب کرتے ہوئے وسیم اختر نے کہا ٹرمینل میں 1521دکانیں تعمیر کی جائیں گی۔ پہلے مرحلے میں 918دکانداروں کو قرعہ اندازی کے ذریعے الاٹمنٹ دی گئی۔