ترکی کے سی پیک میں شامل ہونے پر کوئی اعتراض نہیں، شاہ محمود قریشی

February 14, 2020 1:15 pm0 commentsViews:

مسلم امہ میں کوئی دو بلاکس نہیں، دشمن قوتیں تقسیم کی افواہیں پھیلاتی ہیں،وزیرخارجہ
ترک صدر کے دورے سے تعلقات متاثر ہونے کی افواہیں دم توڑ گئیں‘میڈیا سے گفتگو
اسلام آباد (مانیٹرنگ ڈیسک) وزیرخارجہ شاہ محمود قریشی نے کہا ہے کہ ترکی کے سی پیک میں شامل ہونے پر کوئی اعتراض نہیں، ترکی کے سی پیک میں شامل ہونے سے دونوں ممالک کو فائدہ ہوگا، ترک صدر کے دورے سے تعلقات متاثر ہونے کی افواہیں دم توڑ گئیں۔ انہوں نے ترک صدر کے دورہ پاکستان پر گفتگو کرتے ہوئے کہا کہ مسلم امہ میں کوئی دو بلاکس نہیں بن رہے، مسلم مخالف قوتیں تقسیم کا تاثر پھیلا رہی ہیں، پاکستان اور ترکی ہرموقعے پر ایک دوسرے کی مدد کریں گے۔ترک صدر کے دورہ پاکستان سے ترکی سے تعلقات متاثر ہونے کی افواہیں دم توڑ گئیں۔ انہوں نے کہا کہ پاکستان اور ترکی کی دوستی کئی دہائیوں پر محیط ہے۔ ترک صدر کے دورہ پاکستان سے نئے دور کا آغاز ہوگا۔ ترکی سی پیک میں دلچسپی لے گا تو پاکستان کو کوئی اعتراض نہیں ہوگا۔سی پیک کے تحت جو اکنامک زون بنا رہے ہیں اس میں سب ممالک کو سرمایہ کاری کی دعوت دی ہے۔دیکھنا یہ ہے کہ ایک دوسرے کو کس طرح فائدہ پہنچا سکتے ہیں۔