علی گیلانی کی وفات کی خبروں کی تردید کردی گئی

February 14, 2020 1:29 pm0 commentsViews: 31

سرینگر(نیٹ نیوز) حریت کانفرنس کے بزرگ رہنما سید علی گیلانی کی طبیعت شدید ناساز ہے۔ تاہم سوشل میڈیا پر چلنے والی ان کی وفات کی خبروں کی تردید کردی گئی۔ کشمیر میڈیا سروس کے مطابق چیئرمین آل پارٹیز حریت کانفرنس سید علی گیلانی اس وقت نظر بند ہیں اور اچانک طبیعت بگڑنے کے بعد وہ شدید علیل ہیں۔ ترجمان حریت رہنما کا کہنا تھا کہ سید علی گیلانی کی طبیعت طویل نظر بندی کے باعث خراب ہوئی، انہیں پھیپھڑوں میں انفیکشن سے سانس لینے میں مشکلات ہیں۔