گوگل اور ایپل ملازمین کرونا وائرس کی لپیٹ میں آ گئے

March 12, 2020 1:16 pm0 commentsViews: 16

بیجنگ (مانیٹرنگ ڈیسک)چین سے پھیلنے والے کرونا وائرس نے دنیا کی ٹیکنالوجی کی بڑی کمپنیوں گوگل، امازون اور ایپل کے ملازمین بھی اس مہلک وباء کا شکار ہوگئے ۔عرب ٹی وی کے مطابق ایپل نے تصدیق کی کہ آئرش شہر کارک میں واقع اس کے صدر دفتر کا ایک ملازم کرونا وائرس کا شکار ہوا ہے۔ آئرلینڈ میں اب تک کرونا وائرس کے 24 واقعات رپورٹ ہوئے ہیں۔ آئرلینڈ میں کرونا وائرس کے خطرے کے پیش نظر سب سے قدیم یونیورسٹی کے ٹرینٹی کالج کے تمام لیکچر آن لائن کردیے گئے ہیں۔اگرچہ یورپی ممالک میں اٹلی اور فرانس میں کرونا وائرس تیزی کے ساتھ پھیلا ہے تاہم آئرلینڈ میں یہ وائرس زیادہ نہیں پھیلا ہے لیکن حکومت نے اس کے اثرات کو کم سے کم رکھنے کیلئے اگلے ہفتے پورے ملک میں ہونے والی سینٹ پیٹرک ڈے کی تمام پریڈز منسوخ کردی ہیں۔ اس کے علاوہ آئرش حکومت نے کرونا سے نمٹنے کے لیے تین ارب یورو کی رقم مختص کی ہے۔