کورونا سے نمٹنے کیلئے ملک گیر لاک ڈاؤن کے اقدامات اٹھانا ہونگے بلاول بھٹو

March 24, 2020 2:13 pm0 commentsViews: 2

کورونا وائرس کی وباء ہمارے لیے ایک امتحان ، سیاسی قیادت کو اس عزم و حوصلے کی پیروی کرنی چاہیے
تمام ادارے مہلک وباء کا مِل کر مقابلہ کرکے اس کا ہمیشہ ہمیشہ کے لیے خاتمہ کردیں،یوم پاکستان پر پیغام
کراچی(اسٹاف رپورٹر) پاکستان پیپلز پارٹی کے چیئرمین بلاول بھٹو زرداری کا کہنا ہے کہ کورونا وائرس سے نمٹنے کے لیے ملک گیر لاک ڈاؤن کے ساتھ ساتھ دیگر حفاظتی اقدامات اٹھانے کی ضرورت ہے۔یوم پاکستان کی مناسبت سے اپنے پیغام میں بلاول بھٹو زرداری نے کہا کہ قوم آج کا دن ایسے حالات میں منا رہی ہے جب پوری دنیا ایک بڑے خطرے سے دوچار ہے، کورونا وائرس کی وباء نے ہمارے ملک کو بھی متاثر کیا ہے، کورونا وائرس کی وباء ہمارے لیے ایک امتحان ہے، سیاسی قیادت کو اس عزم و حوصلے کی پیروی کرنی چاہیے، جس کا مظاہرہ قرارداد پاکستان کو منظور کرتے ہوئے کیا گیا تھا، ہمیں ملک گیر لاک ڈاؤن کے ساتھ ساتھ دیگر حفاظتی اقدامات اٹھانے کی بھی ضرورت ہے۔ تمام ادارے کورونا کی وباء کا مِل کر مقابلہ کرکے اس کا ہمیشہ ہمیشہ کے لیے خاتمہ کردیں۔بلاول بھٹو زرداری کا کہنا تھا کہ قراردادِ پاکستان ہمیں بنیادی رہنما اصول فراہم کرتی ہے۔ ان اصولوں پر عمل پیرا ہوکر قوم کو مساوات، امن اور خوشحالی کی بلندیوں پر پہنچا سکتے ہیں۔ پیپلز پارٹی نظریہ پاکستان اور قراردادِ پاکستان کی حقیقی علمبردار ہے، پیپلز پارٹی قائداعظم، ذوالفقارعلی بھٹو اور بینظیر بھٹو کے خوابوں کو تعبیر دے گی، اس تعبیر کی خاطر ہر بگاڑ، ناانصافی اور ظلم و جبر کے خلاف جدوجہد جاری رکھیں گے۔