آزمائش کی یہ گھڑیاں گُزر جائیں گی، ریما خان

May 31, 2020 2:27 pm0 commentsViews: 3

ماضی کی معروف فلم اسٹار ریما خان کا عالمی وبا کورونا کے حوالے سے کہنا ہے کہ صرف چند روز کی بات ہے اُس کے بعد آزمائش کی یہ گھڑیاں گُزر جائیں گی۔ حال ہی میں ریما خان نے پاکستان کے موجودہ حالات پر بات کرتے ہوئے شاعری پڑھی جس میں اُنہوں نے لوگوں کو اُمید دلائی کہ جلد ہی اچھے دن آئیں گے اور ہم اِس مشکل دور سے گُزر جائیں گے۔

فوٹو اور ویڈیو شیئرنگ ایپ انسٹاگرام پر شیئر کردہ ویڈیو میں ریما خان نے شاعری کچھ اس طرح پڑھی: اِس سے قبل ریما خان نے انسٹاگرام پر ماؤں کے لیے خصوصی ویڈیو پیغام جاری کیا تھا۔

ریما خان کا اپنے پیغام میں کہنا تھا کہ ’لاک ڈاؤن کی وجہ سے بچے آج کل اپنے گھروں میں ہی ہیں تو ایسے میں ماؤں سے گزارش ہے کہ وہ اپنے بچوں کو موبائل فون، ٹیبلیٹ اور ٹیلیویژن کا زیادہ استعمال نہ کرنے دیں کیونکہ یہ آپ کے بچے کی صحت کے لیے نقصان دہ ثابت ہوسکتا ہے۔‘

اداکارہ کا کہنا تھا کہ ’آپ کوشش کریں کہ اپنے بچوں کو مختلف سرگرمیوں میں مصروف رکھیں جیسے جسمانی سرگرمیاں کرکٹ یا کوئی دوسرا کھیل، اور گھر کے کاموں میں اپنے بچوں کی مدد لیں۔‘