سندھ میں سیکنڈری کلاسز کھولنے کا فیصلہ موخر

September 18, 2020 3:52 pm0 commentsViews: 11

کراچی: سندھ حکومت نے چھٹی تا آٹھویں جماعت تک تدریسی عمل بحال کرنے کا فیصلہ موخر کردیا ہے۔ نجی ٹی وی کی رپورٹ کے مطابق کراچی میں پریس کانفرس کے دوران وزیر تعلیم سندھ سعید غنی نے کہا کہ لاک ڈاؤن کے بعد سب سے مشکل فیصلہ اسکول کے کھولنے کا تھا تاہم اسکول کھلنے کے بعد میں نے شہر کے مختلف اسکولوں میں ایس او پی کا جائزہ لیا، کچھ پرائیوٹ اسکولوں میں ایس او پی کے بہترین انتظامات کیے گئے جب کہ کچھ اسکولوں میں ایس او پی کی پابندی نہیں کی گئی۔

تفصیلات کے مطابق سعید غنی نے کہا کہ کل جب انہیں اسکولوں میں دیگر جماعتوں کے بچوں کی تدریس کا عمل شروع ہوگا تو صورتحال خراب ہونے کا خدشہ ہے لہذا 28 ستمبر تک سیکنڈری کلاسز کھولنے کا فیصلہ موخر کیا ہے اور اگر صورتحال یہی رہی تو اسکولز کھولنے کے فیصلے کو مزید موخر کریں گے۔