کراچی آج دنیا کا چوتھا آلودہ ترین شہر قرار پایا

January 20, 2021 1:29 pm0 commentsViews: 4

کراچی کی فضا آج انتہائی مضر صحت رہی ، ایئرکوالٹی انڈیکس کے مطابق صبح 10 بجے شہر قائد دنیا کے آلودہ ترین شہروں میں چوتھے نمبر پر رہا۔ نجی ٹی وی کی رپورٹ کے مطابق کراچی کی فضا میں آلودہ ذرات کی مقدار217 پرٹیکیولیٹ میٹرز ریکارڈ کی گئی اور یہ دنیا کےآلودہ ترین شہروں میں آج چوتھے نمبر پر ہے۔

تفصیلات کے مطابق دنیا کے آلودہ شہروں میں آج منگولیا کا شہر اولانباٹار پہلے اور ڈھاکہ دوسرے نمبر پر موجود رہا، درجہ بندی کے مطابق 151 سے 200 درجے تک آلودگی مضر صحت ہے.

201 سے 300 درجے تک آلودگی انتہائی مضر صحت ہوتی ہے جبکہ 301 سے زائد درجہ خطرناک آلودگی کو ظاہر کرتا ہے۔