ایل پی جی مزید مہنگی کردی گئی، فی کلو گرام قیمت 160 ہوگئی

March 1, 2021 1:58 pm0 commentsViews: 7

اسلام آباد: ایل پی جی کی قیمت میں اضافہ کردیا گیا ہے جس کے بعد اب مائع گیس کی قیمت 160 روپے فی کلو تک ہوگئی ہے۔ نجی ٹی وی کی رپورٹ کے مطابق جاری کئے گئے نوٹی فکیشن کے مطابق یکم مارچ سے ایل پی جی کی قیمت 2 روپے اضافے کے بعد اب 160 روپے فی کلو ہوگی۔ جس کے بعد ایل پی جی کے گھریلو سیلنڈر کی قیمت میں 22روپے جب کہ کمرشل سیلنڈر کی قیمت میں 84روپے اضافہ ہوگیا ہے۔

نوٹی فکیشن کے مطابق رواں ماہ ایل پی جی کے گھریلو سیلنڈر کی قیمت 1885اور کمرشل سلنڈر کی قیمت 7252روپے مقرر کی گئی ہے۔

واضح رہے کہ گزشتہ روز حکومت نے پیٹرولیم مصنوعات کی قیمتوں میں اضافے کی سمری کو مسترد کردیا تھا۔