کالعدم تنظیموں کے 100 سے زائد مالی مددگار اہم عہدوں پر تعینات

September 22, 2015 2:31 pm0 commentsViews: 32

ڈیفنس سے گرفتار ملزم کے انکشافات کے بعد اہم شخصیات اور کالعدم تنظیموں کے چھپے مددگاروں کیخلاف گھیرا تنگ
بین الاقوامی شدت پسند تنظیم داعش اور القاعدہ کی جڑیں کراچی میں بھی موجود ہیں شیبا احمد کے انکشافات
کراچی( نیوز ڈیسک) حساس اداروں نے کالعدم تنظیموں کے مالی معاونت کار کو ڈیفنس سے گرفتار کرلیا۔ شیبا احمد کے انکشافات کے بعد تفتیش کا دائرہ کار وسیع کرنے کے ساتھ اہم شخصیات اور کالعدم تنظیموں کے چھپے ہوئے مدد گاروں کے خلاف گھیرا تنگ کرنا شروع کر دیا ہے۔ شیبا احمد نے انکشاف کیا کہ کراچی میں کالعدم تنظیموں کے 100 سے زائد مالی معاون، سہولت کار اہم عہدوں اور اداروں میں تعینات ہیں۔ بین الاقوامی شدت پسند تنظیم داعش اور القاعدہ کی جڑیں بھی کراچی میں موجود ہیں۔ عسکری دہشت گردوں کی بڑی تعداد وائٹ کالر نوکریوں کے ساتھ تعلیمی اداروں میں موجود ہے۔ سوشل میڈیا فیس بک، واٹس ایپ، ٹوئٹر سمیت سماجی رابطے کی ویب سائٹس ہمارا مشن آگے بڑھانے کے ساتھ رابطے کا اہم ذریعہ ہیں۔ سوشل میڈیا پر ہمدردوں کی تعداد سینکڑوں میں ہے جو کہ ایک دوسرے کے پیغامات آگے بڑھانے کے ساتھ سہولت کار کا کردار بھی ادا کر تے ہیں ۔

Tags: