نوجوان کا خستہ حال سڑکوں پر وزیر اعلیٰ کی تصاویر بنا کر انوکھا احتجاج

January 6, 2016 5:26 pm0 commentsViews: 22

کراچی(اسٹاف رپورٹر)کراچی کے نوجوانوں نے احتجاج کرتے ہوئے خستہ حال سڑکوں پر وزیر اعلیٰ کی تصاویر بنا دیں۔تفصیلات کے مطابق کراچی میں موجود خستہ حال سڑکیں شہریوں کے لیے پریشانی کا باعث ہیں جبکہ حکام کی طرف سے ان کی تعمیر کے لیے اقدامات نہیں کیے جا رہے۔ایک نوجوان نے کراچی کی سڑکوں پر خستہ حالت زار کے پیش نظر اور حکام اعلیٰ کو پیغام دینے کے لیے ایک انوکھا طریقہ اختیار کرتے ہوئے نہ صرف وزیر اعلیٰ کی تصاویر سڑک پر بنا دیں بلکہ اپنا پیغام بھی لکھ دیا کہ ’’ان کی تعمیر کرو‘‘۔علاوہ ازیں کراچی کی سڑکوں پر کوڑا کرکٹ بھی شہریوں کے لیے باعث پریشانی ہے لیکن حکام کی طرف سے اس مسئلے کے حل کے لیے بھی کوئی اقدامات نہیں کیے جا رہے۔تاہم نوجوان کے اس حیرت انگیز اقدام کو سوشل میڈیا پر بہت پذیرائی مل رہی ہے۔